انا ليه فكرت اكتب ؟؟؟؟ صراحة مش عارف بس بجد اكتشفت انها احلى طريقة للتعبير عن افكارك بهدوء وعقلانية من غير ماحد يعارضك ساعات الانسان بييحتاج فترة من الوقت عشان يكون افكاره تجاه موضوع معين منغير تشويش وبعد كدا يقدر يدافع عنها براحته لكن اى حد يبتدى يكتب فى الفترة الحالية اكيد حيفكرة يكتب عن الثورة واحوال البلد يكتب عن شماعة فشل المسئولين وهى الثورة وكنت زمان صراحة بحب اكتب عن عن بعض المعانى اللى بقينا فاقدينها فى مجتمعنا زى الحق والعدل والتراحم لكن بعد الثورة اكتشفت انها موجودة بس عليها تراب فعشان كدا الكتابة عنها والمطالبة بيها يبقى تعالى على الناس لكن اللى يكلم دلوقت لازم يكون هادى وثورى رافض للظلم مايجرحش يروى الحقائق كلها يدى معطيات ادتنا نتايج لاحداث بنمر بيها حاليا ومسالة اختصار الادوار الشىء اللى بقى بيخرج من صاحب الشان نفسه بقى كل واحد فينا بيبدع فى اختزال دوره وبقينا خصوم بعض بشكل صعب تخيل نفسك امامك حد مختلق معاك فى الراى المهم من وجهة نظرك رايك انتا صح وهو غبى ومبيفهمش دا الوضع الحالى اللى بقى موجود بقينا بعاد قوى من مساحة التفاهم بين الاراء المختلفة وبقى فى حالة من الاستعداد الداخلى للاختلاف ثورجية بيخونوا الكنب والكنبة بيتهموا الثورجية انهم ضيعوا البلد والمستفيد من كل ده ناس مع الاتنين حبة ثورة وحبة فلول وحبة كنبة وحبة تحرير متعرفش ليهم ملة ولا اسلوب بيحاولوا يوسعوا مساحة الاختلاف بين الثوار والشعب كلهم بيسعوا لحاجة واحد وسؤال وحيد "خدينا ايه من الثورة؟؟؟؟؟؟؟ السؤال الصعب اللى كان اصله ان احنا حملنا الثورة اكثر من ما تتتحمل من المطالب؟؟ افتكرنا ان الثورة نبى حيجى يطهر الارض لكن الثورة عملها شعب له اخطائه حسناته سيئاته قلنا للناس الثورة حتعدى المحيط الثورة حتطهر الجميع ولكن الحقيقة طلعت ان الفساد للركب ومحدش عايز يعرف حده لحد فين"والكلااااااااام كتير " بس اللى يقرااااا "عزازى"
No comments:
Post a Comment